فن التعلم Thé art of learning

اليوم بغيت نتكلم على أسلوب ممكن يساعد بزااااف ديال الناس في التعلم والفهم وبالتالي يرفع الإنتاجية ديال المبرمج 📈

طبعا ماشي شي حاجة جديدة 🤷

الفكرة ببساطة هي كما كيقول المثل "العِلم صيد والقلم قيد" :

آختبرت هاد الأسلوب براسي في تعاملي مع الSoftware، وهو أنك تستخدم الكتابة وتسجيل الملاحظات على الورق.

====

أكيد ما يمكنش تكون دوزتي الكلية مثلا وما تعاملتيش مع الورق (الكيلوات ديال الورق 😅) ولمستي التأثير الإيجابي ديالو!

====

الإختلاف هنا هو أنه في البرمجة كلشي ديجيتال وعمليا آحنا رآه كنكتبو في الIDE كل يوم، فربما نقدرو نتوهمو بشكل غير ملحوظ باللي الكتابة على الورق إهمال أو Redundant.

بالفعل آحنا كنكتبو Code Blocks ولكن في الغالب كنعتمدو على ذاكرتنا أو Bookmarks في الأمور الخاصة بالConcepts, Principes, Guidelines Exceptions, Techniques, etc...

و كنقولو أيضا أن الممارسة هي الأصل 💪

في الحقيقة، وحسب تجربتي الشخصية، الإعتماد على الذاكرة والممارسة غير كافية بل هي مضرة، الذاكرة كتمشي وفق مبدأ الأولويات (أو الحاجة) وبالتالي ذاكشي اللي باقي ما وصلاتوش النوبة في الممارسة أو الإستخدام We lost its reference و Blurred الشيء اللي كيحتم علينا نديرو مراجعة باش نجيبو Reference مرة أخرى وهنا كيوقع "إحباط" زائد تضييع الوقت (DRY: Do not repeat yourself).

مغاديش نقول باللي أن الكتابة كتحسن الذاكرة وصافي، لا خاصنا نعرفو أولا أشنو كيوقع أثناء الكتابة :

▪ - كيكون العقل مجبر أنه يفهم أشنو كيتكتب.

▪ - كيثم الإنتباه للتفاصيل الصغيرة اللي ممكن بسبابها يتغير المعنى.

▪ - الربط بين ما تقدم وما سيأتي.

▪ - كتولي تولد بزاااف ديال الأسئلة.

▪ - فتح بحوث فرعية.

▪ - حصر التركيز.

====

لاحظت هاد النقط فاش وليت كنقرى المقالة بالإستعانة بالكتابة وتسجيل الملاحظات.

فرق شااااسع بزاااف...

على حسب التعقيد ديال المحتوى أو الأفكار تقدر تاخذ أقل من %30 من المقالة في القراءة الأولى والثانية (الإعتماد على أكثر من مرجع في التعلم كيخليك توقف عند القراءة/المشاهدة الأولى فقط). 

وعلى حسب النقطة الخامسة اللي شرت ليها الفوق ☝️ واضح أنه الكتابة هي جزء عضوي من عملية التعلم والفهم وماشي إضافة يمكنها تحسن بيها الذاكرة.

الكتابة كدير نوع من رسم الخرائط للمعلومات في دماغ ديالك وكتساعدو في معالجة هاد المعلومات.

والأوراق بحال شي Buffers :

يمكن نقولو أو الذاكرة فيها نوع من الTrees اللي كتحتاج إدارة وتحديث مستمر "DI and State Management" وبالتالي غادي يكون من المفيد بزااف وجود الHelpers بحال الكتابة.

الأوراق كتفيد أكثر فاش كيكون البحث والتعلم ديالك في نطاق واحد، هاكا كتكون عندك رزمة ديال الأوراق يمكنك لك توصل لها بسرعة وأنت كتعلم.

فاش كنقول الكتابة كنقصد أيضا الرسم البياني Diagramming والرسوم التوضيحية illustrations واللي في هذا الحالة من الأفضل الإستعانة ب برامج بحال Draw.io أو Excalidraw. 

بالنسبة للكتابة عامة يفضل أنكت تستاعن أولا بالورق وكنقتارح داد الورق ديال الزبدة "كل واحد وأشنو كيسميه 🤷 "هاد الورق رخيص الثمن ديالو وفيه مرونة عالية ومريح في الإستخدام.

بالنسبة للبرامج كاين OneNote النسخة ديال Windows 10 ماشي ديال الأوفيس، وكاين Notion وأيضا Google Keep.

طبعا كاينة بزااف البدائل، جميع هاد البرامج اللي ذكرت Cross-platform وفيها Sync. 

وإلى بغيتي توصل للمثالية خد كاع أنت شي سبورة بيضاء كبيرة، هي فعالة بزااف في التخطيط والتصميم ديال الأفكار.

كاين اللي بالصح خدام بهاد الأسلوب، وقطعا غادي تلاحظ الفرق من أول يوم ليك... وكإرشادات عامة مساعدة :

▪ - حاول تعلم ذاكشي اللي محتاج واللي عارف راسك غادي تمارسو في أقرب وقت.

▪ - آستخدم مراجع قليلة في التعلم، كثرة المراجع مضرة حنت ما كتعطيش لكل مرجع الوقت الكافي ديالو.

▪ - حاول دير تشريح للمحتوى اللي كتقرى مهما كان مستوى التعقيد ديالو في الورق.

▪ - نظم الديسكتوب ديالك وقاد واحد Clean Folder structure للبيانات و المصادر ديالك.

====

ملاحظة أخيرة، كاينة واحد الفئة كتقول باللي الكتابة تقدر تكون مضرة وكاينة أقوال مشهورة في هاد الموضوع، ممكن تبحث على "تأثير زيجارنيك" كمدخل لهذا النظرية. 

====

وفي الأخير شكرا لأنك وصلتي حتال لهنا وقريتي البوسط، متنساش Tagi الناس اللي غادي يعجبهم، وتشجعنا بالمتابعة ديالك