الحكومة الأمريكية غادي تعطي مبلغ 10 مليون دولار الأي واحد غدي يعطيها معلومات على مجموعة DARKSIDE

• ناااايضة 🔥 الحكومة الأمريكية غادي تعطي مكافأة كتوصل ل10 مليون دولار لأي واحد غادي يعطيهم معلومات اللي غادي تخليهم يتعرفو أو تخليهم يشدو مجموعة الهاكينغ Darkside.

====

اللي معارفش مجموعة Darkside هي مجموعة متخصصة في نشر ڤيروسات الفدية ransomware، وهي نيت اللي مسؤولة على الإختراق الأخير ديال شركة Colonial Pipeline وتشفير الحواسيب ديالها واللي هي وحدة من أكبر شركات خطوط الوقود في الساحل الشرقي ديال الولايات المتحدة.

واللي بسبابها ديك الساعة توقفات كاع خطوط ديال الوقود والمشتقات ديالو مؤقتا، واللي تدخل فيها ديك الساعة الرئيس الأمريكي وطلع في الإعلام وقال باللي أنه غادي يدوي مع الرئيس الروسي بوتين بخصوص داك الإختراق حيث واخا مكاينش شي دليل باللي أنهم هما ولكن كاينين تقارير الأجهزة الأمنية في أمريكا اللي كتقول العكس وباللي أن العمليات كيثم تنفيدها من روسيا.

وهادشي كيخلي روسيا حتى هي مسؤولة على المشاركة في القبض ديالهم.

====

• وفي الأخير شكرا لأنك وصلتي حتال لهنا وقريتي البوسط، متنساش Tagi الناس اللي غادي يعجبهم، وتشجعنا بالمتابعة ديالك