مجموعة Dark Shadow الإيرانية تقوم بإختراق شركة إستضافة إسرائيلية

مجموعة Black Shadow الإيرانية إختارقات واحد شركة إستضافة إسرائيلية سميتها CyberServe واللي كانو مستاضفين فيها بزاااااف ديال المواقع والبيانات ديالها ومن بينها بيانات ديال واحد التطبيق سميتو Atraf ديال المواعدة المثليين الإسرائليين.

من بين هاد البيانات اللي تشفرو ديال هاد التطبيق هما :

▪ الرسائل الخاصة ديال المستخدمين وحتى الرسائل اللي تمسحو.

▪ جميع مستخدمين التطبيق.

▪ الإيميل وكلمة السر بدون تشفير.

المجموعة حطات في الموقع ديالها أنها غادي تنشر هاد المعلومات للعامة مور 48 ساعة إلى مادواش معاها شي واحد من صحاب التطبيق في تيليغرام ديالهم ويعطيوهم مليون دولار 💰 عليها أو غادي يسربوهم.

وهادشي اللي دارت من مور 48 ساعة سربات كلشي على داك التطبيق وعلى ماشفت في التسريب سربو حتى المحادثة اللي دازت بينهم وبين واحد من الناس ديال التطبيق وكان كيتفاوض معاهم على الثمن في أنهم يخليوها في 500 ألف دولار ولكن المجموعة مقبلاتش بالعرض ديالهم، وقالت ليهم إلى عطاتهم ديك الساعة 500 ألف دولار غادي يزيدو ليها في الوقت 24 ساعة في أنهم يحضرو ليهم ديك 500 ألف دولار اللي بقات ولكن الناس ديال التطبيق مقبلوش بهادشي وهادشي علاش المجموعة سربات في الأخير قاعدة البيانات ديالهم.

واللي من مور ما شفتها كانت نيت عبارة على داكشي اللي قلت قبل وحتى الإيميل وكلمة المرور اللي كانو بدون تشفير 🤷

====

• وفي الأخير شكرا لأنك وصلتي حتال لهنا وقريتي البوسط، متنساش Tagi الناس اللي غادي يعجبهم، وتشجعنا بالمتابعة ديالك