إلقاء القبض على خمسة أفراد من موزعي برنامج الفدية REvile

▪ كينا وحد  الحرب اللي نايضة ما بين وكالات إنفاد القانون ومجموعة الهاكرز اللي كينشرو برامج الفدية وباللي أنه كيثم إستهداف مجموعة REvil في DarkWeb 🤔

▪ البارح اليوروبول صرحات باللي شدات خمسة ديال الناس اللي كيديرو الAffiliate لبرنامج الفدية REvil يعني تشدو الناس اللي كينشرو برنامج الفدية ديال المجموعة وهما اللي كيتكلفو في إختراق الشركات أو يدبرو على شكون اللي يشغل ليهم داك البرنامج في داخل شي شركة إلخ...

في واحد العملية اللي سماوها GoldDust واللي كانت بتعاون الEuropol - الEurojust والInterpol.

وبتعاون 17 دولة منها :

أستراليا - بلجيكا - كندا - فرنسا - ألمانيا - هولندا - لوكسمبورغ - النرويج - الفلبين - بولندا - رومانيا - كوريا الجنوبية - السويد - سويسرا - الكويت - المملكة المتحدة - الولايات المتحدة.

====

ملاحظة : هاد الناس ديال الAffiliate معندهم حتاشي علاقة بمجموعة REvil.

مجموعة REvil دايرة فقط برنامج ديال الAffiliate في الموقع ديالهم في DarkWeb وكتخلص الناس واحد النسبة مئوية لكل واحد حط برنامج الفدية ديالهم في شي شركة وخلصاتهم.

حيث كاين اللي غادي يخرج يبدا يقول باللي المجموعة تشدات وهاد الهضرة مزال ممنها والو حيث فقط الناس ديال الAffiliate اللي كيتشدو دابا.

فاش تكون شي حاجة على المجموعة غادي تلقاوها في الصفحة.

====

▪ وحاليا تدارت مجموعة في اليوروبول سميتها ANTI-REVIL خصيصا فقط في إستهداف مجموعة REvil.

====

▪ فينما كيتشد شي شخص فيهم كثم عملية التحليل الجنائي الرقمي لكاع الأجهزة اللي كيلقاوها معاهم وحتى للمالوير وللتحويلات اللي كثم في إنتضار شي غلط منهم اللي غادي يطيحهم في الشبكة.

====

وفي الأخير شكرا لأنك وصلتي حتال لهنا وقريتي البوسط، متنساش Tagi الناس اللي غادي يعجبهم، وتشجعنا بالمتابعة ديالك