عودة إشتغال موقع مجموعة REvil

هادشي اللي في البوسط كايبقا فقط رأي شخصي نقدر نكون غالط فيه أو صيح 🤷

ول لبارح شفت باللي أنه رجع موقع ديال REvil للخدمة ثاني في الDarkWeb ولكن السؤال المطروح هنا هو شكون موراه 🤔

الموقع فاش رجع تحطات فيه هاد الرسالة :

"They are not the masters they think they are, We have the skills and experience.

Do you want to be with the most qualified or losers?"

واللي هي عبارة على تحدي لوكالات إنفاذ القانون 🙄

والغريب في الأمر أنه رجع من مور أيام ما أن واحد من الأعضاء ديال مجموعة REvil واللي ممكن يكون الأدمين صرح باللي السريڤرات ديالهم تختارقات وتشفر دومين ديالهم...

هادشي في الأخير كيخلينا نستنتجو حاجة وحدة واللي معروفة كدار من زمان...

وهي أنه ممكن ثم القبض على مجموعة REvil والموقع ديالهم هاد الساعة مخدمينو شي وحدين من وكالات إنفاذ القانون واللي تقدر تكون اليوروبول Europol أو مكتب التحقيقات الفيدرالي FBI أو شي وحدة آخرى...

ولكن علاش زعما بالظبط دكرت هاد جوج 🤔

حيث على ماخرج مؤخرا باللي تشدو خمسة من الناس اللي كيديرو الأفلييت لبرنامج الفدية للREvil من طرف اليوروبول...

والثانية هي أنه كاينين شي تسريبات وأخبار كيقولو باللي مكتب التحقيقات الفيدرالي FBI هو اللي مور الإختراق ديال السيرڤرات ديالهم...

مع العلم أن بحال هادشي معروفين بيه وكالات إنفاذ القانون كيديروه من شحال هادي لهذا بالنسبة ليا كنقول باللي أنه الموقع مخدمينو شي وحدين من الوكالات إنفاذ القانون اللي ذكرت الفوق ☝️"ونقدر نكون غالط 🤷"

====

وفي الأخير شكرا لأنك وصلتي حتال لهنا وقريتي البوسط، متنساش Tagi الناس اللي غادي يعجبهم، وتشجعنا بالمتبعة ديالك